கடந்து போன காதல் ஒன்று

பக்கத்து வீடுதான் பார்க்கவில்லை பலநாள்
திடீரென்று ஒருநாள் திகைத்தேன் உன்அழகில்
இடம்பெயர்ந்து வந்ததனால் இதுவரை தெரியவில்லை
இப்படியோர் அழகு பக்கத்தில் இருந்ததென்று

மெதுவாக தொடங்கிய மெல்லிய உணர்வொன்று
நாளான பொழுதில் பாடாய் படுத்தியது
பனியில் நனைந்த ரோஜாஇதழ் போல்
மனது சிலிர்த்து மகிழ்ச்சி கொண்டது

பார்வைகள் பரிமாறி தெளிவான போதும்
பேச முடியவில்லை பெண்ணே உன்னிடம்
ஆசைகள் எல்லாம் அறுந்துபோக அப்படியே
இடம்மாறி போய்விட்டேன் பார்க்க முடியவில்லை

நாட்கள் நகர்ந்து விரைந்தோடி மறைந்தன
என்ன ஆனாயென்று எனக்குத் தெரியவில்லை
சிலகாலம் கழித்து செய்தியொன்று கேட்டேன்

கடந்து போய்விட்டாய் கணவனுடன் என்று